Osmanlıca Talik Levha

Osmanlıca Talik Levha: Konya Mevlana Müzesinden Talik Levha

Budur Dergâh-ı Mevlâna Celâl'ud-din-i ve'd dünyâ

Bu Dergâh Ka'be-i cân u cenandır cümle uşşâka

Bu meşhed nurdan derya o hazret dürre-i beyza

Hubâbı kubbe-i hazrâ disem hami itme igrâka

Bunun her evc-i pâki uç virir şems-i hakîkatden

Muhâzi her biri ma'nide tâk'ı çarh-ı bisâka

Elezdir ney-şekerden çûb-i matbah çille-keş câne

Müreccah zevk-ı hıdmet yanlarında başka ezvâka

İderler sikke ber-ser sikke-i zer-gerden istiğna

Olub bi gıll u gışş iksir-i hâs'ı pûte-i faka

Girift-i aşk olurlar bâş keserler tavk-ı teslime

Ezelden beste gelmişler visâk-ı ahd-u misâka

Yanarlar şem'i cânâne cihân-u cân bir yâna

Dönerler hemçu pervane virirler varın ihrâka

Gehfâzâd olub gamdan gecüb fikr-i dü'âlemden

Rebâb-u nâyi eylerler bedel takyıd-u itlâka

Bununla şehr-i Konya fahr ider İran-u Turana

Bu bık'a kıble-kâh-ı arzudur bunca uşşâka

Murûr-ı vakt ile hacet olub ta'mire bu hayrı

Müyesser kıldı hak Şâhenşeh-i pâkize ahlâka

Zihi kutb-ı himem sâhib-kerem Sultân Mahmud Han

Odur şems-i ziyâ-bahş-ı inayet cümle âfâka

Dil-i agâhı mail bittabi hayr-u meberrâta

Mübarek tab'ı mukbil adl'ü dâd-u rahm-u eşfâka

Kalemler münhasır ahkâm-ı adlin neşr-u tahrire

Hazâin sû besû meşgul atasın bezi u infâka

Cemâl-i şevketi tenvir-i sırr-ı sûre-i veşşems

Cebin-i tal'atı teşbîh-i rûşen subh-i berrâka

Muvaffak olduğu bişübhedir her kâr u bârından

İder her emrini tefviz zirâ rabb-ı hallâka

O şah-ı mu'ciz-âyinin nevâ-yı feyzidir herdem

İder bu nây-ı kilki böyle mazhar sırrı intaka

İki târih mülhem oldu Pertev matla'ı dilden

Sezadır benzedilse ferkadeyn şems-i işrâka

Yapıldı dergeh-i munlâ budur çün ka'be uşşâka

Tavafa gel du'a it yapdıran sultan-ı âfâka

Feyz alur dergeh-i Mevlânada Eser-i kilk-i yesârizâde

Nutk-ı niyaz bende-i işân Pertev-i nâçiz ü nâtüvân

Hattat: Yesârizâde Mustafa İzzet.

Zıvanalı 7 parça tahtanın birbirine geçmesiyle oluşturulan ahşap pano üzerine, iki sütun halinde Talik hatla altın yaldızla Pertev Paşa Divanı'ndan alınan beyitler yazılmıştır. Çerçevenin alınlığı kabartma altın yaldızlı gül ve yaprak motifleriyle süslenmiştir.